១- ចង្កៀងកែវទឹកប៉ាកកាសៀវភៅ កូនចាប៉ីពៅ នាំគ្នាស្រែកហៅសួររកម្ចាស់ស្រី ទៅណាបាត់ទៅម្តេចគ្មានអាល័យ ស្រណោះរាត្រីដែលស្រីធ្លាប់តែងបទភ្លេងជិតបង ។
២- ចំរៀងមួយបទអូនកត់បងតែង ដៃតូចកេះភ្លេង ឆ្គួតចិត្តវង្វេងភ្លេចរឿងទាំងពួង គ្រហឹមពីរនាក់ស្ម័គ្រគ្មានសៅហ្មងចិត្តអូនចិត្តបងវេញជាចំណង ផ្សងសូមជួបគ្នា ។
បន្ទរ- ឥឡូវអភ័ព្វតែងមិនចេះចប់ គេស្អប់ចំរៀងចោលបងកំព្រា ចង្កៀងកែវទឹកសៀវភៅគ្រប់គ្នា មិនដឹងឆ្នាំណា ម្ចាស់អ្នកមេត្តាវិលមកវិញឡើយ ។
៣- ធ្លាប់នឹកសង្ឃឹមញញឹមជានិច្ច រាល់ពេលថ្ងៃលិច ដៃក្តិចប្រឡែងភ្លេងលេងល្វឺយៗ ពេលនេះបទភ្លេងតែងមិនចប់ឡើយ ព្រាត់គ្នាទៅហើយ អូនអើយតែងចប់លុះអូនវិលវិញ ៕
0 comments:
Post a Comment