១- គេងយោលអង្រឹងទន្ទឹងមើលផ្លូវ ថ្ងៃលិចផុតទៅអាសូរស្រីពៅនៅតែរង់ចាំ ច័ន្ទរះមាត់ទឹកនឹកអស់បណ្តាំ រលកទន្លេគគ្រាំ ទួញយំឲទ្រាំនឹងកម្មវាសនា ។
២- ចង់ជួបជានិច្ចរាល់ថ្ងៃលិចទៅ ចង់ជួបណាស់ពៅ លុងលុះឥឡូវនៅតែប្រាថ្នា ខាំធ្មេញតឹងទ្រូងដួងចិត្តខ្លោចផ្សា សង្ក្រាមនៃចិត្តគ្រួសារប្រហារស្នេហ៍យើងក្នុងភ្លើងគ្មានផ្សែង ។
បន្ទរ- ទោះខ្នោសច្រវាក់ដាក់បងយ៉ាងណា តែចិត្តស្នេហា នៅតែស្រវាហក់ជួបគ្មានក្រែង ស្លាប់ត្រូវគ្រាប់ចុះឲអស់ចំបែង គ្មានខ្លាចទេដាវលំពែង តាក់តែងជាថ្មីជួបគ្នាណាពៅ ។
៣- ជួបរាល់ថ្ងៃលិចឲភ្លេចម្តេចបាន ទូកតូចកល្យាណធ្លាប់ចាវកំសាន្តជិតពេលយប់ជ្រៅ បើបងជាគ្រុឌរត់ឆក់ឥឡូវ បំបាំងកាយបងនិងពៅផុតភ្នែកសត្រូវរស់នៅសុខសាន្ត ៕
0 comments:
Post a Comment