កំណត់ត្រារបស់ខ្ញុំ: ជំងឺមហារីកមាត់ស្បូន

នារីគ្រប់រូប ស័ក្តិសមទទួលបានឱកាសដើម្បីការពារខ្លួនប្រឆាំងនឹង មហារីកមាត់ស្បូន

ស្ត្រីគ្រប់វ័យតែងតែប្រឈមមុខនឹងជំងឺ មហារីកមាត់ស្បូន

១- តើជំងឺមហារីកមាត់ស្បូនបង្កឡើងដោយសារអ្វី?
-ជំងឺមហារីកមាត់ស្បូន បង្កដោយមេរោគឈ្មោះ Human Papolloma Virus រឺ HPV ។ ជំងឺនេះឆ្លងតាមរយៈការរួមភេទ ។ ដូច្នេះ នារីទាំងអស់ដែលស្ថិតក្នុងវ័យរួមភេទសកម្ម តែងតែប្រឈមមុខខ្ពស់នឹងការឆ្លងមេរោគនេះ ។

-ការប្រើប្រាស់ស្រោមអនាម័យអាចកាត់បន្ថយការឆ្លងមេរោគ HPV ប៉ុន្តែមិនអាចការពារបានទាំងស្រុងនោះទេ ព្រោះស្បែកដែលនៅជុំវិញប្រដាប់ភេទក៏មានផ្ទុកនូវមេរោគ HPV ដែរ ។

២- មេរោគ HPV ដែលអាចបង្កជាជំងឺមហារីកមាត់ស្បូននេះកើតឡើងញឹកញាប់ណាស់
-រហូតដល់ ៧៥% នៃស្ត្រីដែលស្ថិតក្នុងវ័យរួមភេទសកម្មតែងតែប្រឈមនឹងការឆ្លងមេរោគ HPV ប្រភេទណាមួយក្នុងជីវិតរបស់ពួកគេ ។ ជួនកាលស្ត្រីខ្លះដែលបានឆ្លងមេរោគ HPV ខ្លះអាចជាសះស្បើយទៅវិញដោយឯកឯង

-ក៏ប៉ុន្តែប្រសិនបើការបង្កដោយមេរោគ HPV នេះមិនបានជាសះស្បើយទៅវិញទេនោះ ស្ត្រីប្រឈមមុខនឹងការវិវត្តជាជំងឺមហារីកមាត់ស្បូន

៣- ជំងឺមហារីកមាត់ស្បូនអាចកើតមានលើស្ត្រីទាំងអស់លើពិភពលោក
-នៅលើពិភពលោកគេឃើញស្ត្រីប្រមាណជា ៥០០ ០០០ នាក់ បានកើតជំងឹមហារីកមាត់ស្បូនជារៀងរាល់ឆ្នាំ ហើយប្រហែល ២៧៤ ០០០ នាក់ បានស្លាប់ដោយសារជំងឺនេះ

-ជំងឺមហារីកមាត់ស្បូននេះ មិនមែនកើតមានតែលើស្ត្រីដែលមានអាយុច្រើននោះទេ

ជំងឺនេះកើតមានលើស្ត្រីគ្រប់វ័យ
នៅលើពិភពលោកជំងឺមហារីកមាត់ស្បូនស្ថិតនៅលំដាប់ទី ២ ក្នុងចំណោមមហារីកផ្សេងទៀត ដែលកើតមានលើស្ត្រី
ប៉ុន្តែ នៅប្រទេសកម្ពុជាជំងឺមហារីកមាត់ស្បូននេះឈរនៅលំដាប់ទី ១ ដែលកើតមានច្រើនជាងគេបំផុត

នេះជាដំណឹងល្អមួយ សំរាប់ស្ត្រីគ្រប់រូប!!!

"ជំងឺមហារីកមាត់ស្បូនអាចការពារបាន"

សូមសាកសួរព័ត៌មានជាមួយវេជ្ជបណ្ឌិតរបស់លោកអ្នកនាងនៅក្នុងថ្ងៃនេះដើម្បីទទួលបាននូវការការពារដែលប្រសើរបំផុត

ដកស្រង់ពី :
ខិត្តប័ណ្ណសេវាថែទាំសុខភាពផ្តល់ដោយ GlaxoSmithKline (gsk)