១- ខ្នើយ អើយខ្នើយប៉ាក់ដោយដៃស្រី ស្មានមាននិស្ស័យ បានប្រុសថ្លៃកើយរួមកេសា ឆាប់ប្រួលប្រែស្នេហ៍គ្មានវាសនា ឱ! ខ្នើយអើយរាត្រីសោកា នៃទឹកនេត្រាសម្ងាត់ស្រី ។
២- ក្រៀម ស្រពោនវាំងននទាំងគូ ចងជាគំរូស្នេហ៍មួយគូដែលស្មានប្រពៃ មុន...បានថ្មមស្នេហ៍អស់និស្ស័យ ឱ! វាំងននខូចចិត្តលែងស្តី នារាត្រីឈប់បក់រេរាំ ។
បន្ទរ- បក្សីក្អាកក្អាយ ក្លាយបាត់សំនៀង រុក្ខាខ្វះភ្លៀង ក្រៀមស្លឹករុះរោយដេរដាស សមុទ្រលាតឆ្ងាយជាប់នាយអាកាស មិនស្មើក្តីអាម៉ាស់ ឆ្ងាយណាស់ខ្ទរខ្ទារលោកា ។
៣- ថ្ពាល់ ក្រពុំថ្មមទុកជូនបង ផាត់ថែរលោងសំរាប់រងទឹកភ្នែកស្នេហា ផែនដីវិលប្រាប់ជាសញ្ញា មនុស្សក្នុងលោកមិនទៀងវាសនា ដូចស្នេហាមិនទៀងដួងចិត្ត ៕
0 comments:
Post a Comment