១-យល់ទុក្ខសោកកណ្តាល លំហ ចិត្តដូចថ្មព្រោះចាំប្រុសម្នាក់ ស្ងៀម តែកាយទឹកភ្នែក អួលស្លាក់ រស់ទ្រាំលាក់ ប្រវត្តិស្នេហា។
២-ម៉ឺនប្រយោគបបោស ថ្នមចិត្តល្ងង់ងងឹត ពុលមន្តវាចា ពាក្យធ្លាប់ផ្អែមប្រែល្វីង ខះខារ ប្រែក្លិនផ្កាជាក្លិន គំរង់។
បន្ទរ-ចាំ ចាំគ្មានថ្ងៃកំណត់ ចប់ ចប់ត្រឹមឈ្មោះថាល្ងង់ ចិត្តរង្វិលផ្តើមប្តូរ ពីក្នុងស្រីងប់លង់មិនដឹងគេប្រែ។
៣-ភ្លើងគ្មានផ្សែងរែងនៅ រង្គំ រង្គាលងំ រង្គោះចិត្តស្នេហ៍ ចាំរហូតបេះដូង ដុះស្លែ ខែផ្លាស់ឆ្នាំក៏ចាំ ឥតន័យ។
៤-ពាក្យថាចាំពាក្យខ្លី មួយម៉ាត់ តែគ្រប់គ្រាន់ឲអូនរីងរៃ ផ្ទៀងចិត្តបងស្មានខុស សេចក្តី ខុសមួយថ្ងៃឲស្នាម ឲឈឺ។
៥-អ្នកដើរចេញមិននឹក អ្នកចាំ អ្នកស្រែកផ្តាំ រំពឹងគេឮ ស្នេហ៍បាត់ស្នៀតបេះដូង រង្គើ ស្តាយទង្វើស្តាយចិត្ត ជាប់ផុង។
បន្ទរ និង ៣
ច្រៀងដោយ កញ្ញា សុគន្ធ នីសា
0 comments:
Post a Comment