១- ដេកដើរស្រមៃ ឱដល់ថ្ងៃអើយ ចៃដន្យអើយ ស្តាយគ្រាសាយ័ន្ត ឱនៅបន្ទាយដែកអើយ ចំប៉ាមួយទងបាំងស្លឹកចុងមែក ព្រលឹងកែវភ្នែកថតជាប់រូបស្រី ជឺណា កែវណា នាងណា ។
២- ខ្ញុំលួចសួរក្មេង ឱរត់លេងអើយ គប់វង់អើយ ក្មេងនោះឯអង់ ឱមិនចង់អើយ ចេញស្តីអើយ ជួនជាជំពើបអូនចំប៉ាស្រី វាសនាកវីរកវរជួបផ្តៅ ជឺណា កែវណា នាងណា ។
៣- អូនដើរគេចបង ឱទំនងអើយ ជាអៀនអើយ បងក៏មិនហ៊ានឱកាត់ចិត្តអើយ ស្រែកហៅអើយ អូនដើរចូលផ្ទះបងចូលព្រៃជ្រៅ បងកាច់ផ្កាស្មៅខាំហើយគិតថា ជឺណា កែវណា នាងណា ។
៤- កំពង់សាំងទី ឱនារីអើយ ល្អឯកអើយ ផ្កាបន្ទាយដែក ឱអប់ក្លិនអើយ ចំប៉ាអើយ បងកាត់បេះដូងទុកចងផ្កាស្លា សំពះមេប៉ាសូមទានពរជ័យអើយ ជឺណា កែវណា នាងណា ៕
0 comments:
Post a Comment