ផ្ការីកក្នុងសួន

១-(ប) ចុះផ្កាអ្វីហ្ន៎! រីកក្នុងសួននេះ ថាម្លិះក្តាំងងាដូចជាមិនត្រូវ ល្អទាំងសម្ផស្ស ក្លែបក្លិនក្រអៅ រីករះក្បែរផ្លូវរំសាយកេសា។

២-(ប) មើលទៅចង្កេះរាងរៀវសែនស្តួច សុដនក្បំតូចម្រាមដូ​ចបន្លា ចញ្ចើមមូលខ្វង់ សមទ្រង់នេត្រា តែស្តាយព្រោះផ្កាមិនចេះឆ្លើយឆ្លង។

៣-(ស) រូបខ្ញុំជាស្រីពេញវ័យដូចផ្កា ម្តេចមកប្រាថ្នាស្នេហ៍បំពានច្បាប់ ខ្លាចណាស់ក្តីស្នេហ៍ នាំតែចុកចាប់ ស្នេហ៍រំលងច្បាប់នាំកើតទុក្ខា។

បន្ទរ - កុំអាលឆាប់ខឹងពេកព្រលឹងបង ខុសឆ្គងតិចតួចក៏សូមមេត្តា (ស) នែ៎! ប្រុសកំហូចកុំចេះតែថា (ប) បងមិនមុសាបោកជីវាទេ។

៤- (ប) ជាតិនេះបងប្រាថ្នាតែកល្យាណ ទោះបីក្ស័យប្រាណក៏បងមិនស្តាយ (ស) កុំសង្ឃឹមថ្វី ណាប្រុសឆោមឆាយ ស្នេហ៍បងពិតជាពោះម៉ាយហើយណា។

ច្រៀងដោយ លោក ស៊ិន ស៊ីសាមុត និងអ្នកស្រី រស់ សេរីសុទ្ធា